Phung bi ala brei klei blŭ mguôp kơ bruă mkra mlih klei čuăn leh anăn jao bruă klam bi hơĭt ênoh ênil čiăng djŏ guôp hŏng bruă Knŭk kna alŭ wăl dua gưl, mkra mlih đa đa anăn mnơ̆ng dhơ̆ng, bruă knuă mơ̆ng Knŭk kna čoh ênoh leh anăn klei dưi, hdră êlan čoh ênoh, mkra mlih, bi mbŏ klei čuăn kơ bruă ksiêm duah thơ̆ng kơ bruă kơ ênoh ênil čiăng bi djŏ hŏng klei mkŏ mjing bruă Knŭk kna…

Mbĭt anăn ksiêm dlăng hnơ̆ng mkra mlih srăng rơ̆ng kơ klei bi djŏ plah wăt dŭm hdră bhiăn djŏ tuôm msĕ si hdră bhiăn Mkă dlăng, mdrao klei ruă, hdră bhiăn jia prăk hrui wĭt grăp čô, hdră bhiăn bs mdah hră mơar hdră bhiăn lăn čar. Čiăng lŏ dơ̆ng ksiêm dlăng čiăng kơ klei jao bruă klam kơ Bruă sang čư̆ êa ƀuôn hgŭm ngă dŭm mta bruă djŏ tuôm čiăng bi hơĭt ênoh hlăm wưng kơ anăp.