VOV4.Êđê - Bi hdơr 75 thŭn Hrue kahan êka êkeh – phung êngiă asei, mlam mmăt anei (27/7) mkŏ mking êlan mkŏ klei mđung rup “klei mmuiñ kơ klei êđăp ênang”. Bruă anei mâo Dhar bruă kiă kriê klei hâo hưn Gưl dlông gĭt gai hgŭm hŏng Phŭn bruă mnuih ngă bruă phung knap mñai, Sang mđung rup Việt Nam lehanăn knơ̆ng bruă sang čư̆ êa dŭm boh čar, ƀuôn prŏng jing: Hà Nội, ƀuôn prŏng Hồ Chí Minh, Quảng Nam; Bình Định, Hà Giang; lehanăn An Giang hdră mkŏ mjing anei jing hdră yuôm bhăn, ktur čih kơ hƀuê ênuk hing ang jhŏng ktang mơ̆ng djuê ana, kơ phung êbuh leh, lehanăn săn asei mlei kơ klei êpa mhao kơ klei êđăp ênang mơ̆ng mnuih Việt Nam hlăm dăl hƀuê ênuk djuê ana./.

Y-Khem pô mblang