Bruă sang čư̆ êa čar Quảng Ngãi bi kƀĭn brei klei blŭ kơ bruă rŭ mdơ̆ng sang hră Knŭk kna rông ba mlir gưl hriăm ti dŭm ƀuôn hgŭm knông lăn.

Hlăm klei ksiêm dlăng, knơ̆ng bruă sang hră mơar čar Quảng Ngãi hưn mdah hŏng Bruă sang čư̆ êa čar ruah 4 ƀuôn hgŭm mâo: Dục Nông, Mô Rai, Sa Loong, Rơ Kơi čiăng duh bi liê 4 sang hră. Dŭm alŭ wăl anei jing dleh dlan êdi, êlan klông jhat, mnuih ƀuôn sang ƀiă, jing jing mnuih Sêdang, Bahnar, Jeh Triêng. Čar srăng rŭ mdơ̆ng mrâo 2 sang hră leh anăn mkra mđĭ 2 sang hră. Ênoh bi liê êbeh 600 êklai prăk. Thŭn 2025 čar mkăp hlăm brô 117 êklai prăk čiăng rŭ mdơ̆ng. Nguyễn Hoàng Giang, khua Bruă sang čư̆ êa čar Quảng Ngãi mñă kơ dŭm anôk bruă djŏ tuôm hluê ngă dŭm mta bruă dưi jao, gĭr rŭ mdơ̆ng dŭm sang hră hlăm hruê 15/11 kơ anăp, bi leh hlăm mlan 7/2026.