VOV4.Êđê - Hlăm “mlan êdam êra, phung êdam êra knơ̆ng bruă pui kmlă Dak Lak mkŏ mjing lu bruă ngă yuôm bhăn. Klă klơ̆ng, anôk bruă mđup brei leh mnơ̆ng kơ 6 čô hđeh ƀun hgao klei dleh dlan ti să Bình Hoà, kdriêk Krông Ana, grăp hnư mâo 2 êklăk prăk; pŏk ngă hdră bruă “Kuič mngač êlan ƀuôn sang” ti alŭ Giang Xuân, să Ea Đah, kdriêk Krông H’Nang, dlông 1km êlan klei pui gŏng 19 kƀŏng pui mtrang hlăm êlan klông, mâo ênoh 30 êklăk prăk.

Ăt hlăm mlan êdam êra, anôk bruă ngă leh hdră bruă “kuič mngač êlan ƀuôn sang” mâo ênoh 50 êklăk prăk, mkra êbeh 1 km êlan klei pui hŏng 22 kƀŏng pui mtrang mngač dŭm ktuê êlan hlăm ƀuôn Sŭt Mdrang, să Čư̆ Suê, kdriêk Čư̆ Mgar. Hŏng dŭm bruă đru kơ ala ƀuôn, phung êdam êra PC Dak Lak lŏ dơ̆ng ngă klei ksiêm dlăng êlan klei pui nah gŭ, nah dlông, anôk mđĭ mtrŭn pui kmlă ti krĭng knông lăn Ea Sup.

H’ Zawut pô mblang