Hlue si Knơ̆ng bruă sang hră mtô bi hriăm čar Kon Tum, khua sang hră leh anăn grăp čô nai kiă adŭ amâo brei mâo mmông bi kƀĭn phung amĭ ama hđeh sang hră akŏ thŭn knŏng jing anôk hưn kơ ênoh hrui mă.

Čiăng mlih mrâo klei bi kƀĭn phung amĭ ama, dŭm sang hră mơ̆ng tur knơ̆ng boh sĭt brei mđing kơ boh phŭn msĕ si: bi trông, bi tŭ ư kơ hdră mtô bi hriăm anak čô pô; bruă hlue ngă klei êđăp ênang hlăm êlan klông; gang mkhư̆ klei yua ma tuĭ hlăm sang hră, êđăp ênang hlăm internet; mđĭ lar ênoh nao sang hră; mđĭ lar boh tŭ bi liê mơ̆ng sang hră hŏng hđeh mnuih djuê ƀiă. Đoàn Thành Nhân, K’iăng Khua Knơ̆ng bruă sang hră leh anăn mtô bi hriăm čar Kon Tum, brei thâo, mmơ̆ng klei bi kƀĭn, phung amĭ ama brei păn kjăp klei hâo hưn čiăng êdi hŏng klei hriăm anak čô pô.