Anei jing bruă kđĭ čar, dhar kreh yuôm bhăn mâo klei hgŭm mơ̆ng khua gĭt gai Đảng, knŭk kna, dŭm phŭn, dhar bruă gưl dlông leh anăn dŭm alŭ wăl. Anei jing klei yuôm bhăn hŏng bruă Đảng, bruă sang čư̆ êa leh anăn mnuih ƀuôn sang dŭm djuê ana ti čar.

Anei jing gưl čiăng mpŭ, hdơr knga kơ phung mjing leh tur, mguôp ai hlăm boh tŭ dưi mâo hlăm êbeh 20 thŭn êgao ti čar Dak Nông. Mbĭt anăn, kơrŭ wĭt ai tiê ktưn hưn kơ djuê ana; mđĭ klei đăo knang, mtrŭt mjhar knuă druh, đảng viên leh anăn mnuih ƀuôn sang dŭm djuê ana hlăm čar lŏ dơ̆ng mđĭ lar knhuah gru bi hgŭm, hrăm mbĭt sa ai tiê mkŏ mjing, mđĭ kyar leh anăn răng mgang ƀuôn sang, lăn čar hlăm ênuk mrâo./.