Mkŏ mjing mơ̆ng ară anei truh kơ jih hruê 10/12, hruê kăm hiu čhưn ênguê ƀuôn prŏng Hồ Chí Minh thŭn 2023 hŏng dŭm mta bruă dhar kreh, kdŏ mmuñ, mjuăt asei mlei dưi pŏk mlar kơ hnơ̆ng mkŏ mjing, duh bi liê kơ hnơ̆ng tŭ jăk, ba klei jăk kơ phung tue hlăm yan mơ̆ng knhal jih thŭn.

Hlăm wưng anei, ti ƀuôn prŏng Thủ Đức leh anăn dŭm kdriêk čar, kdriêk mđrăm mbĭt mâo dŭm mta bruă sa ai hŏng êa mil phŭn mơ̆ng alŭ wăl msĕ si Hdră “Ea mil mlam”, “Mmông tlam ti hnoh krông” (kdriêk čar mrô 1), Sang kĭ – Êbâo hliê sa mlam. Hruê kăm hiu čhưn ênguê ƀuôn prŏng Hồ Chí Minh thŭn anei lŏ nao mbĭt hŏng klei bi lông Miss Earth 2023. Phung mniê êra siam mơ̆ng lu lăn čar dlông rŏng lăn hơô ao dai Việt Nam, êbat jơ̆ng hưn mdah bruă hiu čhưn ênguê ƀuôn prŏng Hồ Chí Minh hlăm wưng nao hgŭm hlăm hdră.