VOV4.Êđê- Tlam mmăt hrue 24/5, ti sang bruă kƀĭn ala mkŏ mjing leh klei bi tuôm lehanăn hlue ngă dŭm bruă kơ Êpul mniê bruă kƀĭn ala wưng păn bruă kƀĭn ala gưl 15. Blŭ hrăm ti anôk bi tuôm, Khua bruă kƀĭn ala Vương Đình Huệ lač, Bruă kƀĭn ala gưl 15, hŏng 151 čô mniê bi ala, hlăk dôk ti anăp klei mlih mrâo prŏng, čiăng bi năng hŏng bruă jing pô bi ala prŏng hĭn mơ̆ng phung ƀuôn sang, anôk bruă mâo klei dưi prŏng hĭn mơ̆ng ala čar yang ƀuôn ngă phŭn Việt Nam.

Čiăng kơ êpul hgŭm mniê bi ala bruă kƀĭn ala Việt Nam gưl 15 bi leh jăk mta kñăm čoh čuăn wưng kơ anăp, Khua bruă kƀĭn ala Vương Đình Huệ mtă: Năng bi mâo hdră êlan mă bruă kluôm kơ jih wưng, hlăm grăp thŭn hŏng klei klă mngač, siă suôr hŏng grăp mta, boh phŭn klei jing mơ̆ng djăp gưl bi kƀĭn bruă kƀĭn ala, bruă ngă mơ̆ng dŭm êpul, dưn yua ai tiê čŏng ngă hŏng klei mbruă hlăm êpul khua kiă kriê, dưn yua jih klei bi mguôp hŏng ƀĭng hgŭm./.

         Pô mblang: Y-Khem Niê