Hluê si Dhar bruă mặt trận čar kwar gưl dlông Việt Nam Đỗ Văn Chiến, čiăng mprăp kơ Klei bi kƀĭn tal 7, Anôk bruă kƀĭn ala gưl XV, Êpul kiă kriê Dhar bruă mặt trận čar kwar gưl dlông Việt Nam tŭ mă leh 63/63 hră hưn mdah klei blŭ, klei akâo čiăng mơ̆ng mnuih ƀuôn sang mơ̆ng Anôk kriê dlăng Dhar bruă mặt trận čar kwar Việt Nam lehanăn dŭm čar, ƀuôn prŏng; 37/63 hră hưn mdah mơ̆ng êpul bi ala anôk bruă kƀĭn ala, 23 klei hưn mdah mơ̆ng dŭm êpul hgŭm; 16 klei blŭ, klei akâo čiăng mơ̆ng phung khua hlăm Êpul kriê dlăng Dhar bruă mặt trận čar kwar Việt Nam, hŏng 1.502 klei blŭ.

Đỗ Văn Chiến mñă, mnuih ƀuôn sang bi mni kơ hdră gang mkhư̆, bi kdơ̆ng hŏng klei ƀơ̆ng ngăn, klei ngă amâo djŏ, ti gŭ klei gĭt gai mơ̆ng Đảng srăng ba wĭt boh tŭ dưn yuôm bhăn, kluôm hĭn “Blŭ nao mbĭt hŏng ngă”, amâo mâo krĭng kăn, amâo uêñ hlei pô, ti anôk bruă; dŭm anôk bruă djŏ tuôm pral msir mghaih hŏng klei klă mngač ba phat mkra lehanăn lŏ hrui ba wĭt lu ngăn drăp kơ knŭk kna./.