
Bruă dăp anei mơ̆ng tur knơ̆ng msĕ si anôk bruă msĕ kơ klei bhiăn hdĭp mda, klei găl ênưih kơ êlan klông, rơ̆ng klei êđăp ênang leh anăn mđĭ kyar bruă duh mkra - ala ƀuôn. Ti kdriêk Čư̆ Prông, mâo 18 anôk bruă knŭk kna, leh bi mŭt knŏng adôk 6 să; hlăm anăn să Ia Pia dưi mkŏ mjing mơ̆ng klei dăp 3 să Ia Pia, să Ia Ga leh anăn să Ia Vê.

Siu Khlo, Khua dlăng bruă đảng să Ia Vê, kdriêk Čư̆ Prông brei thâo, kyua ngă jăk bruă hâo hưn mtô mblang anăn mnuih ƀuôn sang thâo djăp ênŭm klei hâo hưn kơ hdră êlan bi mŭt mơ̆ng čar truh ti să leh anăn bi mlih jing gru hmô knŭk kna 2 gưl.
“Leh pô nao ti ƀuôn sang, bi tuôm hŏng mnuih ƀuôn sang snăn thâo kơ klei digơ̆ bi mĭn kơ bruă bi mŭt dŭm anôk bruă knŭk kna, mnuih ƀuôn sang sa ai tiê hŏng hdră êlan anei. Boh nik jing hdră êlan mkŏ mjing gru hmô knŭk kna 2 gưl (lui anôk bruă gưl kdriêk). Ƀuh bruă bi mŭt anei kyua klei tŭ dưn mbĭt snăn mnuih ƀuôn sang sa ai tiê; amâo mâo klei bi knăl bi kdơ̆ng ôh hŏng hdră bi mŭt dŭm anôk bruă. Mnuih ƀuôn sang sa ai leh anăn srăng hrăm mbĭt hŏng Đảng leh anăn Knŭk kna drei”.
Viết bình luận