Hlăm gưl mă bruă ti čar Sơn La hlăm hruê 8/01/2014, Khua gĭt gai Đảng Nguyễn Phú Trọng leh anăn êpul mă bruă nao čhưn ti Sang mkra mjing pui kmlă Sơn La. Hŏng phung knuă druh, mnuih mă bruă - Phung dưi drông Khua gĭt gai Đảng anăn jing klei yuôm bhăn amâo dưi wơr ôh. Klei khăp leh anăn klei Khua gĭt gai Đảng mtô mtă mâo grăp čô hdơr leh anăn tui hriăm. Khua gĭt gai Đảng čang hmăng kơ phung knuă druh, phung mă bruă Knơ̆ng bruă lŏ dơ̆ng mđĭ lar klei thâo, boh tŭ mâo leh hlăm hdră mkŏ mjing, ba yua hdră bruă, lŏ dơ̆ng bi mklă kơhưm, bruă klam yuôm bhăn mơ̆ng Phŭn pui kmlă Sơn la; đru mkŏ mjing, ba yua êđăp ênang, tŭ dưn dŭm hdră bruă phŭn pui kmlă mkăn hlăm ala čar.

Hmư̆ hing Khua gĭt gai Đảng Nguyễn Phú Trọng djiê, knuă druh leh anăn mnuih ƀuôn sang Quảng Ngãi ênguôt hnĭng amâo mâo knhal. Khua gĭt gai Đảng Nguyễn Phú Trọng jing gru mngač, pô bi hmô kơ knhuah hdĭp cách mạng, jih klei hdĭp duh myơr kơ Đảng, kơ lăn čar leh anăn mnuih ƀuôn sang. Hlăm ai tiê mơ̆ng phung knuă druh leh anăn mnuih ƀuôn sang Quảng Ngãi, Khua gĭt gai Đảng Nguyễn Phú Trọng jing khua gĭt gai gưl dlông ƀiădah jĕ giăm, mâo mnuih ƀuôn sang khăp êdi. Phạm Đình Khối, khua kiă kriê hđăp bruă Đảng čar Quảng Ngãi brei thâo: Dưi bi tuôm hŏng Khua gĭt gai Đảng Nguyễn Phú Trọng lu blư̆ ƀiădah hdơr hĭn jing êjai Awa Trọng nao hlăm knăm ba yua wăl kriê pioh bi hdơr kơ Khua knŭk kna Phạm Văn Đồng. Hruê 31/7/2008, Khua gĭt gai Đảng Nguyễn Phú Trọng đĭ êdeh treng mơ̆ng Hà Nội nao ti Quảng Ngãi. Drông Khua gĭt gai Đảng ti sang ga êdeh treng, Phạm Đình Khối leh anăn lu mnuih amâo mâo dưi mdăp ôh klei mgei ai tiê:

 “Sa čô khua gĭt gai msĕ sơnăn ƀiădah đĭ êdeh treng mơ̆ng Hà Nội hriê tinei. Êjai mđup brei mnga kơ Khua gĭt gai leh anăn mă kiê kngan, kmiêk Khua gĭt gai kâo mâo lŏ ƀuh ôh klei mdê mơ̆ng khua gĭt gai, ƀiădah jing klei khăp dĭng kna. Wĭt 3 hruê đuč ƀiădah ñu nao nanao. Leh anăn nao ti Tây Trà, nao čuă dŭm să, bi tuôm hŏng mnuih ƀuôn sang, mđup brei hnư mnơ̆ng, ƀiădah hŏng khua gĭt gai Đảng, klei khăp yơh jing prŏng hĭn”.

Mbĭt hŏng kluôm ala, mnuih ƀuôn sang kdriêk Mỹ Xuyên, čar Sóc Trăng ênguôt hnĭng snăk leh hmư̆ Khua gĭt gai Đảng Nguyễn Phú Trọng djiê. Mjing klei ênguôt hnĭng jing bruă ngă, Bruă Đảng, bruă sang čư̆ êa leh anăn mnuih ƀuôn sang kdriêk Mỹ Xuyên lŏ dơ̆ng bi hgŭm, pral kdal, mbruă, jih ai tiê mkŏ mjing Đảng, mkŏ mjing bruă kđi čar jăk, kjăp ktang, mkŏ mkra ƀuôn sang mdrŏng sah, jăk mơak msĕ si

Khua gĭt gai Đảng čang hmăng. Lương Minh Quyết, Khua Knơ̆ng bruă sang čư̆ êa kdriêk Mỹ Xuyên, lŏ yăl dliê, sui hŏng anei giăm 10 thŭn, Khua gĭt gai Đảng Nguyễn Phú Trọng wĭt mă bruă hŏng să Ngọc Tố (1 hlăm 3 să krĭng ƀuôn sang mrâo tal êlâo mơ̆ng čar Sóc Trăng), tơdah bi tuôm hŏng Khua gĭt gai Đảng ñu ƀuh Khua gĭt gai Đảng mbruă leh anăn êlam snăk. Lương Minh Quyết brei thâo:

 “Ară anei Awa djiê leh, ba hlăm ai tiê kâo msĕ mơh grăp čô sa klei ênguôt hnĭng snăk. Hlăm klei ênguôt anăn, kâo čang hmăng drei mjing klei ênguôt jing bruă cách mạng; grăp čô knuă druh, đảng viên leh anăn mnuih ƀuôn sang gĭr hriăm hlue si knhuah gru awa Khua gĭt gai Đảng Nguyễn Phú Trọng čiăng đru mkŏ mjing ƀuôn sang, lăn čar pô ƀrư̆ mdrŏng sah, jăk siam leh anăn kjăp ktang”.

-Tổng Bí thư Nguyễn Phú Trọng trong chuyến thăm tỉnh Sóc Trăng năm 2015