Ti lu anôk, mnuih ƀuôn sang mkra knưng ngă yang kkuh kơ mnguh mngăt khua gĭt gai Đảng, lehanăn tông čing atăt mnguh mngăt khua gĭt gai, jing leh mnuih jih klei hdĭp kyua lăn čar, kyua mnuih ƀuôn sang. Aguah ưm mnuih ƀuôn sang djuê ana Jrai ti ƀuôn Kép, ƀuôn hgŭm Đống Đa, ƀuôn prŏng Pleiku, čar Gia Lai, kuh kŭm ti sang bi kƀĭn ƀuôn, ngă klei kkuh kơ mnguh mngăt khua gĭt gai Nguyễn Phú Trọng. Leh knăm cang ênuh anăn, mnuih ƀuôn sang bi tông čing klei ŭ kyăm ênguôt hnĭng atăt mnguh mngăt khua gĭt gai Đảng. Ayŏng Bưn, sa čô hlăm êpul tông čing lač:

 “Êwa čing bi êdah klei ênguôt hnĭng ŭ kyăm, kơ awa Nguyễn Phú Trọng, sa čô pô gĭt gai prŏng kơ lăn čar djiê leh, mnuih ƀuôn mă êwa čing anei bi êdah ai tiê klei ŭ kyăm atăt mnguh mngăt awa”.

Ti krĭng knông lăn kdriêk Buôn Đon, čar daklak, Ama Hoài, Khua buôn Niêng 3, să Ea Nuôl, mnbĭt hŏng mnuih ƀuôn sang Mnông, Êđê, Lào lehanăn mbĭt hŏng phung yơng sang yang Long Thọ mkra kñưng ngă yang čiăgn atăt mnguh mngăt khua gĭt gai kơ mnuih ƀuôn sang:

 “Khua gĭt gai Đảng msĕ hŏng ama, hŏng aê pô. Hmei bŏ hŏng klei h’iêng h’ưi ênguôt hnĭng kơ ñu nao kơư klei hdĭp nah dih. Hmei ênguôt hnĭng kơ khua gĭt gai Nguyễn Phú Trọng mjing leh kơ klei klei thâo bi mguôp, ba lu klei jăk kơ mnuih ƀuôn sang găn klei dleh dlan tinei”.