- Hlăm hrue bi hdơr mnuih khua thŭn tar rŏng lăn thŭn anei (1/10) ăt jing hrue mtrŭt mjhar kyua mnuih khua thŭn. Snăn akâo kơ ih brei thâo, mta kñăm, klei yuôm bhăn mơ̆ng jih bruă ngă hlăm mlan anei?

  Nguyễn Thanh Bình: Thŭn anei, drei mkŏ mjing knăm mtrŭt mjhar kluôm ala ti čar Hải Dương. Mkŏ mjing klei mtrŭt mjhar êjai, lehanăn lŏ dơ̆ng mđĭ ai phung khua thŭn êjai mđrăm mbĭt hlue ngă klei mtrŭt mjhar êjai, čiăng kơ bruă mtrŭt mjhar mâo boh tŭ dưn hĭn. Hlam klei hlue ngă bruă anei, hmei mkŏ mjing klei hâo hưn kjăp kơ mta kñăm, klei čiăng kơ bruă ngă hŏng mlan kyua mnuih khua thŭn, thŭn 2024. Mơ̆ng anăn mjing ai êwa jăk, mâo klei kiă kriê êjai mơ̆ng dŭm gưl bruă Đảng, bruă sang čư̆ êa, bruă mặt trận djăp gưl, čiăng kơ jih jang djăp êpul êya mâo klei bi mguôp mbĭt, mđrăm mbĭt bi sa ai hŏng mlan kyua mnuih khua thŭn. Mơ̆ng anăn pioh mđĭ ai, mtrŭt mjhar mnuih khua thŭn dôk hlăm klei dleh dlan ti dŭm alŭ wăl kluôm ala.

-Wưng leh êgao mâo Đảng, knŭk kna mđing nanao hŏng mnuih khua thŭn, mơ̆ng anăn bi êdah klei yuôm bhăn mâo êpul khua kiă kriê bi mkă hdră mtrŭn mrô 58 hŏng bruă mnuih khua thŭn. Dưi yap jing msĕ si sa gru kruak hlăm klei mkŏ mjing bi mlih hdră mă bruă mơ̆ng êpul hgŭm mnuih khua thŭn, čiăng kơ mnuih khua thŭn dưn yua hĭn klei thâo săng pô kơ bruă mbĭt hŏng lăn čar. Akâo kơ ih mblang brei bi mngač kơ klei anei?

 Nguyễn Thanh Bình: Snăn, leh mâo hdră mtrŭn mrô 58, mâo leh klei mđing mơ̆ng dŭm gưl bruă sang čư̆ êa , hmei gĭt gai, bi mguôp kjăp hŏng dŭm anôk bruă gưl dlông ngă mtam bruă dơ̆ng mơ̆ng gưl dlông hlŏng kơ nah gŭ. Êjai hlăm klei ngă bruă, bi păn kjăp jih jang hdră êlan bi hmô mâo leh ti 5 čar, ƀuôn prŏng hlăk dôk bi hmô kơ dŭm alŭ wăl hlăm kdriêk jing klei bi ala. Kyua klei anăn, êjai ngă bruă mơ̆ng êpul hgŭm bi mâo truh 4 gưl pioh dưn yua kjăp, tŭ jing bruă knuă mơ̆ng êpul hgŭm. Ngă jăk êjai bruă răng kriê dlăng ba, lehanăn mđĭ hĭn mơh bruă klam mơ̆ng mnuih khua thŭn, čiăng kơ mnuih khua thŭn bi mguôp, jih ai tiê duh mĭn mbĭt hlăm bruă mđĭ kyar lăn čar.

   - Msĕ si hmư̆ hing leh mơ̆ng angĭn êbŭ mrô 3 êgao, mnuih ƀuôn sang hlăm kluôm ala, êpul hgŭm mnuih khua thŭn VN ăt mâo leh mơh lu klei đru mguôp hŏng mnuih ƀuôn sang krĭng êa lip lêč, boh nik hŏng mnuih khua thŭn, mâo klei hdĭp dleh dlan, luič liê ngăn dŏ sang pưk. Snăn akâo kơ ih lŏ brei thâo klă mngač hĭn kơ bruă mđrăm mbĭt mơ̆ng mnuih khua thŭn hlăm bruă anei?

 Nguyễn Thanh Bình: Thâo săng klă mngač, klei Khua gĭt gai Tô Lâm iêo mthưr lehanăn kčĕ đru, brei jih jang bi sa ai mbĭt hŏng knơ̆ng bruă Mặt trận čar kwar gưl dlông Việt Nam, mtrŭt mjhar jih jang mnuih bi đru hŏng mnuih ƀuôn sang dôk găn klei truh mơ̆ng angĭn êbŭ mrô 3, hmei mâo leh dŭm hdră mơar hlue ngă truh hŏng dŭm gưl mơ̆ng gưl dlông truh kơ djăp ƀuôn êlan. Grăp čô mnuih khua thŭn mâo klei đua klam êjai, mâo klei bi đru mguôp êjai, mtrŭt mjhar anak čô pô ngă klei bi mkrum pioh đru dŏng mnuih ƀuôn sang ti dŭm čar hmăi amâo mâo jăk mơ̆ng angĭn êbŭ mrô 3 ngă.