VOV4.Êđê- Ti anôk drông Êpul bi ala mnuih mâo bruă tŭ dưn čar Dak Nông lehanăn ƀuôn prŏng Tam Kỳ, čar Quảng Nam mŏng Phŭn bruă mnuih Mă bruă – kahan êka êkeh lehanăn yang ƀuôn mkŏ mjing tlam hruê 10/6, ti Hà Nội, lu mnuih mâo bruă tŭ dưn čang hmăng, hdră tui duah, hrui mƀĭn klang kleh phung kahan djiê êngiă lehanăn bi mklă anăn, ƀuôn sang phung kahan djiê êngiă dôk kƀah klei hâo hưn brei lŏ mtrŭt mđĭ hĭn.

Ti knăm anei, bi ala mnuih mâo bruă tŭ dưn čar Dak Nông lehanăn ƀuôn prŏng Tam Kỳ, čar Quảng Nam mñă klă: Hdră mtrŭn hŏng mnuih mâo bruă tŭ dưn hŏng cách mạng mâo Đảng, Knŭk kna mđing dlăng mrô sa. Khă snăn, sa hlăm dŭm bruă dôk lu klei mđing mĭn, anăn jing hdră tui duah, hrui mƀĭn klang kleh phung kahan djiê êngiă lehanăn bi mklă anăn, ƀuôn sang phung kahan djiê êngiă dôk kƀah klei hâo hưn brei lŏ mtrŭt mđĭ hĭn. Blŭ hrăm ti knăm anei, K’iăng khua Phŭn bruă mnuih Mă bruă – kahan êka êkeh lehanăn yang ƀuôn Nguyễn Bá Hoan mñă hŏng dŭm klei dleh kpăk hlăm bruă msir mghaih hră m’ar kơ mnuih mâo bruă tŭ dưn, hdră tui duah, hrui mƀĭn klang kleh phung kahan djiê êngiă lehanăn bi mklă anăn, ƀuôn sang phung kahan djiê êngiă dleh dưn ƀiădah ăt brei hluê ngă nanao./.

                                                    Pô mblang: H’Nêč Êñuôl