VOV4.Êđê -  Hlăm dŭm hruê anei, ti Anôk bruă đru kơ ala ƀuôn čar Gia Lai, dŭm gưl bruă sang čư̆ êa êpul hgŭm hŏng lu phung mâo ai tiê kmah nao mđĭ ai, mđup brei mnơ̆ng, mkŏ mjing knăm mơak mlan pur čiăng kơ phung hđeh êrĭt amĭ ama, mâo klei hdĭp dleh dlan drông sa yan mlan pur jăk mơak. Ară anei Anôk bruă đru kơ ala ƀuôn čar Gia Lai dôk rông ba 140 čô hđeh, hlăm anăn mâo 54 čô hđeh êrĭt amĭ ama, arăng lui amâodah amâo anôk jưh knang.

Dŭm hruê êgao mâo lu phung mâo ai tiê kmah đru prăk leh anăn mnơ̆ng dhơ̆ng msĕ ƀêñ keŏ, mnơ̆ng hlăp lêñ… čiăng kơ phung hđeh dưi drông sa yan mlan pur jăk mơak msĕ si phung ƀĭng găp mkăn. Tạ Thị Anh Đào, Khua Anôk bruă brei thâo: Dŭm anôk bruă, êpul bruă mâo klei mđing dlăng, lu anôk bruă hriê mđup brei mnơ̆ng kơ phung hđeh, mđĭ ai hđeh. Truh ară anei mâo leh 8 êpul hriê mđup brei mnơ̆ng čiăng kơ phung hđeh ƀuh ala ƀuôn mđing dlăng leh anăn phung hđeh mâo nanao phung kăp răng kriê dlăng ba./.

H’ Zawut pô mblang