Mơ̆ng êpul mđup brei jam êsei ti mtih mơ̆ng ƀuôn prŏng Ƀuôn Ama Thuôt, čar Daklak mâo mkrum mguôp leh truh 350 êklăk prăk kơ mnuih ƀuôn sang tuôm hŏng klei êa lip lêč ti kwar Dưr
Thứ hai, 10:31, 16/09/2024
VOV TAYNGUYEN
VOV TAYNGUYEN
VOV4.Êđê- Mlam mmăt mbrue 15/9, Êpul “mđup brei jam êsei ti mtih” mơ̆ng ƀuôn prŏng Ƀuôn Ama Thuôt, čar Daklak mkŏ mjing leh mlam kdŏ muiñ Blouse kô̆ kñăm bi mkrum klei bi đru truh hŏng mnuih ƀuôn sang ti kwar dưr dưi mâo truh 15.000 hnư êsei huă ba kơ mnuih ƀuôn sang ti kwar dưr hmăi mơ̆ng angĭn êbŭ.
Ti anôk mkŏ mjing anei, phung nai aê mdrao čar Daklak, Thừa Thiên Huế lehanăn ƀuôn prŏng Hồ Chí Minh mbĭt hŏng phung thâo kưt muiñ mkŏ mjing leh klei kdŏ mmuiñ hŏng klei čiăng mtă kơ klei thâo bi khăp hlăm ƀuôn sang, hŏng anak mnuih, lehanăn bi êdah ai tiê djuê ana pô.
Mơ̆ng klei mkŏ mjing anei mâo mkrum leh sa ênoh prăk mơ̆ng mlam kưt muiñ anăn, pioh mkăp êsei huă kơ dŭm boh sang êa drao ti 3 boh čar Yên Bái, Tuyên Quang lehanăn Lào Cai, jing dŭm boh čar hmăi kjham mơ̆ng klei êa lip lêč ngă. Leh 8 thŭn mă bruă, êpul anei mâo iêo mkrum leh jih jang truh 30 êklai prăk, djăp mkăp truh 1 êklăk 500 êbâo jam êsei kơ mnuih ruă, lehanăn pô kiă mnuih ruă ti sang êa drao, êjai dôk găn klei dleh dlan ti 15 boh sang êa drao ti čar Daklak./.
Viết bình luận