VOV4.Êđê - Klei kƀĭn kluôm phung mnia mblei mda asei Việt Nam gưl tal 7, wưng thŭn 2022 -2025 srăng mkŏ mjing hlăm 2 hruê 30 leh anăn 31/3 kơ anăp. Anei jing klei hâo hưn hlăm klei kƀĭn bruă klei mrâo mơ̆ng êpul hgŭm phung mnia mblei mda asei Việt Nam mkŏ mjing aguah mbruê 23/3 ti Hà Nội. Klei kƀĭn anei srăng čih yap bruă ngă mơ̆ng phung mnia mblei mda asei hlăm klei đĭ kyar bruă duh mkra, dŭm mta bruă hlăm yang ƀuôn leh anăn bruă ngă mơ̆ng êpul hgŭm phung mnia mblei mda asei Việt Nam wưng thŭn 2018 – 2021, bi trông kơ hdră tă, bruă klam hlăm wưng thŭn 2022 – 2025. Nao hgŭm hlăm klei kƀĭn mâo 800 čô pô mnia mblei mda asei êdah êdi, bi ala kơ 11 êbâo čô mnia mblei, ƀĭng hgŭm hlăm êpul. Hlăm klei kƀĭn, êpul hgŭm phung mnia mblei mda asei srăng mkŏ mjing knăm mđup brei klei pah mni Mtŭ kñĭ Việt Nam 2021 kñăm pah mni êpul 10, êpul 100 leh anăn êpul 200, mnơ̆ng dhơ̆ng mâo anăn knăl êdah êdi Việt Nam.

Y-Ƀel pô mblang