Kơ bruă mkŏ mjing hdră bhiăn, hlue si hdră mĭn tĭng, Dhar bruă kƀĭn ala ksiêm dlăng, brei klei blŭ nkơ dŭm hdră bruă: Hdră bhiăn mkŏ mjing brei čan (lŏ mlih mrâo); Hdră bhiăn lăn ala (lŏ mlih mrâo); Hdră bhiăn lŏ mkra mlih, mbŏ dŭm mta mơ̆ng Hdră bhiăn mŭt kbiă mơ̆ng mnuih ƀuôn sang Việt Nam kơ ala tač êngao leh anăn Hdră bhiăn mŭt kbiă, dôk jưh mơ̆ng mnuih tač êngao ti Việt Nam.

Dhar bruă kƀĭn ala ăt brei klei blŭ mguôp kơ hră čih Hdră mtrŭn mlih mrâo, mbŏ Hdră mtrŭn mrô 85 kơ bruă mă hră đă knang, mplĕ hră đăo knang hŏng phung păn bruă kyua Bruă kƀĭn ala, Êpul gơ̆ng bruă ƀuôn sang ruah amâodah bi mklă. Djŏ tuôm kơ dŭm bruă duh mkra - ala ƀuôn, Dhar bruă kƀĭn ala brei klei blŭ kơ klei hưn mdah, mbŏ boh tŭ ngă bruă klam duh mkra- ala ƀuôn leh anăn prăk knŭk kna thŭn 2022, boh klei pŏk ngă hdră kčah mđĭ kyar bruă duh mkra- ala ƀuôn leh anăn prăk knŭk kna dŭm mlan akŏ thŭn 2023 leh anăn dŭm boh phŭn yuôm bhăn mkăn./.