Leh klei dlưh hroh lăn taluy ngă 2 kơ čô djiê, dŭm anôk bruă, dhar bruă, mnuih ƀuôn sang nao čuă êmuh, mđĭ ai leh anăn mphŭn đru kơ gŏ sang phung mâo klei truh.

Hlăm anăn, Dhar bruă măt trận ƀuôn prŏng đru 30 êklăk prăk, Êpul gĭt gai bruă gang mkhư̆ klei truh yan adiê leh anăn tui duah đru dŏng čar Lâm Đồng đru 20 êklăk prăk, Êpul gru bi kal hrah čar Lâm Đồng đru 3 êklăk prăk, dŭm anôk bruă hlăm ƀuôn prŏng đru 73 êklăk prăk, pô sang leh anăn dŭm anôk bruă mkŏ mkra đru 85 êklăk prăk, kluôm ênoh prăk đru anăn truh kơ ară anei êbeh leh 200 êklăk prăk. Mbĭt hŏng anăn, hŏng klei iêo mthưr ai dưi yang ƀuôn, ƀuôn prŏng Đà Lạt ăt mđup brei giăm 20 êklăk prăk kơ 3 čô êka hlăm klei dlưh hrŏ lăn.