Hdră bruă bi liê rŭ mdơ̆ng Tâč êdeh phiơr Quảng Trị mâo Khua knŭk kna bi mklă hdră bi liê rŭ mdơ̆ng hlue si hdră bi hgŭm duh bi liê. Hdră bruă mâo hnơ̆ng prŏng êbeh 265 ha, ênoh bi liê êbeh 5.800 êklai prăk, ngă djŏ klei čiăng ba yua truh 5 êkklăk čô tue/thŭn.

Blŭ hrăm hlăm knăm mphŭn rŭ mdơ̆ng, K’iăng Khua knŭk kna Lê Thành Long mñă klă, Tač êdeh phiơr Quảng Trị mâo Khua knŭk kna čuăl mkă jing 1 hlăm 30 tač êdeh phiơr kluôm ala dưi bi liê êlâo thŭn 2030. Phŭn bruă êlan klông dŭ mdiăng leh anăn dŭm phŭn, dhar bruă, anôk bruă djŏ tuôm lŏ dơ̆ng mđing dlăng, nao ai leh anăn mâo bruă klam hmao msir mgaih hră mơar leh anăn ruh mgaih klei dleh dlan, gun kpăk hlăm hdră pŏk ngă.