VOV4.Êđê - Aguah 3/6, ti ƀuôn prŏng Đà Lạt, Phŭn bruă lŏ hma leh anăn mđĭ kyar krĭng ƀuôn sang mphŭn pŏk leh Hdră bruă kriê dlăng wăl hiu dlăng hơĭt kjăp mơ̆ng hdră mđĭ kyar hơĭt kjăp amâo bi rai dliê ti Lâm Đồng leh anăn Dak Nông.

Hdră bruă kyua Êpul hgŭm Ơ Rôp (EU) đru mơ̆ng hdră mđĭ kyar Êpul hgŭm lu ala čar (UNDP), mâo ênoh 5 êklăk Euro leh anăn ngă hlăm wưng thŭn 2022-2026. Hdră kñăm jing mđĭ ktang klei hơĭt kjăp kơ wăl hdĭp mda, klei êđăp ênang ala ƀuôn, klei dưi mdrơ̆ng mơ̆ng bruă mkra mjing lŏ hma leh anăn dŭm hdră mkăp mơ̆ng krĭng Lăn Dap Kngư. Mbĭt anăn, mkra mđĭ hdră duh ƀơ̆ng kơ êpul ênưih kpĕ êka, mnuih djuê ƀiă leh anăn phung mniê hlăm hdră ênoh yuôm lŏ hma dliê kmrơ̆ng leh anăn hiu čhưn ênguê hlăm dliê kmrơ̆ng. Pă kdriêk dưi ruah lông ngă bruă hiu dlăng amâo bi rai dliê jing Dak Glong, Dak Rlâp čar Dak Nông leh anăn Di Linh, Lạc Dương čar Lâm Đồng./.

H’ Zawut  pô mblang