Aguah mbruê 28/11, ti čar Quảng Ninh, Bruă mặt trận čar kwar gưl dlông Việt Nam bi hgŭm hŏng Êpul bi hgŭm bruă kđi čar kluôm ala China mkŏ mjing mphŭn pŏk mjĕ êrô plah wah Knơ̆ng bruă mặt trận čar kwar Việt Nam hŏng bruă bi hgŭm kluôm ala China leh anăn Bruă mặt trận 7 čar mơ̆ng Việt Nam hŏng êpul bruă kđi čar 2 čar/wăl čŏng kriê dlăng mơ̆ng China mâo êlan knông lăn mbĭt, gưl tal dua 2023.

Hdră bi hgŭm tal dua thŭn 2023 yuôm bhăn snăk hlăm gưl bi hdơr 15 thŭn mkŏ mjing klei bi hgŭm kluôm plah wah dua ala čar, lŏ čuê klei tŭ jing mơ̆ng hdră tal sa dưi mkŏ mjing ti čar Vân Nam - China thŭn 2019. Ti ƀuôn prŏng Hạ Long, phung bi ala dua ala čar nao hlăm Knăm bi hgŭm jih jang djuê ana ti ƀuôn prŏng, nao hlăm bruă ngă kdrưh kơăm jiă kma knhuah gru mơ̆ng dŭm djuê ana tinei; hiu dlăng dŭm knưng mnơ̆ng rang mdah mnơ̆ng dhơ̆ng OCOP mdê hjăn ti čar Quảng Ninh. Ti đang mnga Hạ Long, êpul bi ala pla 75 ana mnga, mđing bi hdơr 75 thŭn hruê mkŏ mjing klei bi hgŭm Việt Nam - China (18/1/1950 – 18/1/2025).