Mphŭn pŏk hruê Knăm “Čư̆ čhiăng krĭng Lăn Dăp Kngư – klei jăk bi mklin” ti Kon Tum
Thứ năm, 10:39, 30/11/2023
VOV Tây Nguyên
VOV Tây Nguyên
VOV4.Êđê- Hŏng akŏ “Čư̆ čhiăng krĭng Lăn Dăp Kngư – klei jăk bi mklin”, mmăt mbruê 29/11, Ti wăl tač 16/3, ƀuôn prŏng Kon Tum, čar Kon Tum mkŏ mjing leh knăm mphŭn pŏk Hruê Knăm dhar kreh, mjuăt asei mlei leh anăn hiu čhưn ênguê dŭm djuê ana krĭng Lăn Dăp Kngư gưl tal 1, thŭn 2023.
Nao hlăm hruê knăm mâo hlăm brô 1000 čô thâo mbruă, phung kdŏ mmuñ, phung bi lông leh anăn phung bi ala dŭm djuê ana dôk hdĭp mda ti 5 čar krĭng Lăn Dăp Kngư. Blŭ mphŭn pŏk leh anăn gĭt gai knăm mơak, bi ala kơ Đảng, knŭk kna, Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm mñă klă: Đảng leh anăn knŭk kna uêñ mĭn nanao kơ bruă mđĭ kyar kluôm leh anăn kjăp krĭng Lăn Dăp Kngư.
Mơ̆ng hruê mlih mrâo truh kơ ară anei ba mdah leh lu hdră mtrŭn, asăp mtrŭn, klei bi klă kơ boh klei anei. Hruê 6/10/2022 Phŭn bruă kđi čar gưl 13 mâo leh hdră mtrŭn mrô 23 kơ klei mđĭ kyar bruă duh mkra ala ƀuôn leh anăn răng mgang klei êđăp ênang krĭng Lăn Dăp Kngư truh ti thŭn 2030, tă hdră truh thŭn 2045.
Viết bình luận