Mkŏ mjing hlăm 2 hruê (23-24/9), Hruê mơak mphŭn čô̆ kơ bruă mlih mrâo čar Dak Lak thŭn 2024 (Techfest Dak Lak 2024) mâo lu hdră msĕ si: Rang mdah, hưn mthâo dŭm bruă, mta mnơ̆ng mphŭn čô̆ kơ bruă, OCOP, tuh tia mkra mjing krĭng ƀuôn sang, bruă hiu čhưn ênguê, dŭm klei bi kƀĭn trông kơ hdră mphŭn čô̆ kơ bruă mlih mrâo, mphŭn čô̆ kơ bruă mtah, hdră msir mtrŭt mđĭ klei mphŭn čô̆ kơ bruă hlăm dŭm mta bruă, hdră ngă bruă. Anei jing bruă dưi mkŏ mjing grăp thŭn, kñăm mjing klei găl bi mjĕ mjuk hlăm êpul êya mphŭn čô̆ kơ bruă, bi hgŭm duh bi liê, tui duah ƀĭng hgŭm pŏk mlar anôk mnia mblei.

Nguyễn Tuấn Hà, Kơiăng khua Anôk bruă sang čư̆ êa čar Dak Lak brei thâo, dŭm hdră đru mphŭn čô̆ kơ bruă ti čar mjing leh klei bi êdah jăk, đru mkŏ mjing wăl anôk mphŭn čô̆ kơ bruă ti Dak Lak đĭ kyar, lar bra ai tiê mphŭn čô̆ kơ bruă hlăm mnuih ƀuôn sang./.