Khua knŭk kna Phạm Minh Chính lač klă: Klei bi kƀĭn Bruă duh mkra yan hla luh thŭnj 2025 amâo djŏ knŏng jing klei bi kƀĭn prŏng yuôm bhăn ôh, ƀiădah lŏ jing gru krăk knăl hdră mrâo bŏ hŏng čang hmăng hlăm klei bi hgŭm mđĭ kyar leh anăn ñŭ kma lu ala čar mơ̆ng Việt Nam; kyua klei êđăp ênang, hơĭt kjăp, bi hgŭm leh anăn mđĭ kyar hlăm krĭng wăl leh anăn dlông rŏng lăn.

Khua knŭk kna mñă klă, Klei bi kƀĭn bruă duh mkra yan hla luh thŭn 2025 jing klei yuôm bhăn bi êdah klă klei thâo, hnơ̆ng trah dlăng bi đru leh anăn bruă lar bra mơ̆ng Việt Nam hŏng êpul êya lu ala čar. Khua knŭk kna đăo knang kơ klei blŭ, klei mĭn mbruă leh anăn klei ƀuăn rơ̆ng dưi kah mbha hlăm Klei bi kƀĭn bruă duh mkra yan hla luh thŭn 2025 srăng lŏ dơ̆ng lar bra leh anăn dưi hlue ngă hŏng bruă ngă klă sĭt - mphŭn pŏk kơ klei čang hmăng bi hgŭm mrâo leh anăn bruă ngă klă klơ̆ng hŏng klei mkŏ mjing sa êdei anăp đĭ kyar mtah, mlih mrô leh anăn jăk siam kơ anak mnuih.