Blŭ hrăm hlăm klei bi kƀĭn, Khua bruă kƀĭn ala Trần Thanh Mẫn lač klă brei păn  kjăp klei bhiăn bi tŭ ư leh mơ̆ng akŏ wưng, anăn jing klei mđing mrô sa kơ hnơ̆ng jăk hră čih Hdră bhiăn, amâo êran hlue si ênoh, knŏng dŭm hră čih Hdră bhiăn rơ̆ng hnơ̆ng jăk, msir mgaih năng djŏ klei gun kpăk snăn kơh hưn mdah hŏng Bruă kƀĭn ala bi mklă.

Leh knăm mphŭn pŏk, phung bi ala brei klei blŭ kơ hră čih Hdră bhiăn čuăl mkă ƀuôn prŏng leh anăn krĭng ƀuôn sang. Hlăm anăn, boh phŭn kčah mbĭt ƀuôn prŏng hlăm gưl dlông mâo lu phung bi ala mđing brei klei blŭ mguôp. Đa đa klei mĭn ăt mtă čuăl mkă ƀuôn prŏng brei rơ̆ng klei hrăm mbĭt kơ wăl rŭ mdơ̆ng, hdră bruă ala ƀuôn nah gŭ, anôk bruă hdră mnêč leh anăn wăl hgăm.