VOV4.Êđê - Aguah 13/10, Klei bi kƀĭn phung êdam êra Cộng sản Hồ Chí Minh čar Gia Lai tal XV, wưng 2022-2027 mphŭn pŏk hŏng klei hgŭm mơ̆ng 250 čô bi ala kơ êbeh 370 êbâo čô knuă druh êdam êra ti čar. Hŏng klei blŭ ngă bruă “Bi hgŭm - bi khăp- pral kdal - mbruă- čang hmăng”, klei bi kƀĭn kčah 13 mta phŭn hlăm wưng 2022 -2027.

Sa hlăm dŭm boh phŭn jing hlue ngă tŭ jing dŭm gru hmô, hdră đru kơ phung êdam êra êdu awăt; lŏ dơ̆ng ngă jăk dŭm bruă đru kơ mnuih knap mñai, čŏng ngă bruă ti anôk bruă nah gŭ čiăng đru hlăm hdră bi hrŏ ƀun leh anăn mkŏ mkra krĭng ƀuôn sang mrâo. Ayŏng Lê Trọng Phúc, Khua hlăm Anôk dlăng bruă êdam êra čar Gia Lai, Khua dlăng bruă êdam êra kdriêk Đức Cơ čang hmăng, klei bi kƀĭn srăng đru kơ bruă êdam êra dưi ngă klei phung êdam êra čang hmăng hlăm wưng păn bruă mrâo./.

 VOV TâyNguyên/ Pô mblang: H’ Zawut Byă