Mphŭn pŏk klei bi kƀĭn tal 17, Êpul gơ̆ng bruă ƀuôn sang ƀuôn prŏng Hồ Chí Minh gưl X, wưng 2021-2026
Thứ ba, 00:00, 16/07/2024
VOV TAYNGUYEN
VOV TAYNGUYEN
VOV4.Êđê- Blŭ hrăm hlăm knăm mphŭn pŏk klei bi kƀĭn tal 17, Êpul gơ̆ng bruă ƀuôn sang ƀuôn prŏng Hồ Chí Minh gưl X, wưng 2021 -2026 aguah (15/7), Khua dlăng bruă đảng ƀuôn prŏng Hồ Chí Minh Nguyễn Văn Nên brei thâo, bruă klam wưng adôk mơ̆ng thŭn ăt msĕ mơh jih wưng ktrŏ snăk, brei gĭr hĭn hlăm wưng kơ anăp.
Khua dlăng bruă Đảng ƀuôn prŏng Nguyễn Văn Nên ksiêm dlăng, klei bi kƀĭn tal 17 mâo lu boh phŭn yuôm bhăn snăk kñăm hlue ngă dŭm hdră kñăm mđĭ kyar bruă duh mkra- ala ƀuôn, mđĭ klei hdĭp mda mnuih ƀuôn sang êlâo hĭn, hlăm wưng man dưn leh anăn sui.
Khua dlăng bruă Đảng ƀuôn prŏng Hồ Chí Minh lač, bruă kơ anăp ktrŏ snăk hŏng lu mta bruă prŏng, yuôm bhăn snăk jing hlue ngă hdră êlan, hdră mtrŭn mơ̆ng gưl dlông, bruă kƀĭn ala, Knŭk kna čiăng mjing hdră bhiăn ngă bruă mơ̆ng ƀuôn prŏng. Êlâo hĭn jing mjêč hâo hưn mtô mblang, mâo hră mơar hlăm klei dưi čiăng hluê ngă Hdră mtrŭn, Hdră Bhiăn hlăm Klei bi kƀĭn Bruă kƀĭn ala mrâo êgao; pŏk ngă Hdră mtrŭn 84 kơ klei lông dlăng mbha gưl kriê dlăng čiăng hlue ngă Hdră mtrŭn 98.
Viết bình luận