Blŭ hrăm ti knăm mphŭn pŏk, Khua gĭt gai Đảng Tô Lâm mñă, mta phŭn Klei bi kƀĭn brei msir mghaih lu bruă dleh dlan, jing dŭm bruă brei ngă mtam, amâo dưi lui bi kdung.

Hlăm anăn, Klei kƀĭn srăng bi trông kơ Hdră mă bruă kluôm wưng mơ̆ng Anôk dlăng bruă Đảng gưl dlông tal XIV; Klei bhiăn mă bruă mơ̆ng Anôk dlăng bruă Đảng gưl dlông, Phŭn bruă kđi čar, Anôk dlăng bruă Đảng; Kčah mtrŭn bruă hluê ngă klei bhiăn Đảng; Kčah mtrŭn kơ hdră ksiêm dlăng, ƀuh mkra hlăm Đảng; Klei bhiăn mă bruă mơ̆ng Dhar bruă ksiêm dlăng Gưl dlông; Klei kčah mtrŭn kơ hdră kđi čar, ai tiê klei mĭn hlăm Đảng; Ksiêm wĭt dŭm hdră mtrŭn prŏng mơ̆ng Gưl dlông kơ bruă ksiêm dlăng hdră gang mkhư̆, bi kdơ̆ng hŏng klei ƀơ̆ng ngăn, klei ngă amâo djŏ; Ksiem dlăng hdră knuă druh kiă kriê mơ̆ng dŭm anôk bruă knŭk kna wưng thŭn 2026–2031; Brei klei blŭ kơ hdră kčah mđĭ kyar bruă duh mkra – ala ƀuôn 5 thŭn wưng thŭn 2026 – 2031, hdră kčah bruă ngăn prăk ala čar, hdră kčah duh bi liê knŭk kna wưng man dưn 2026 – 2031 lehanăn dŭm bruă yuôm bhăn mkăn. Tĭng, klei bi kƀĭn mă bruă truh kơ hruê 27/3/2026.