Hlăm 3 hruê mă bruă Dhar bruă kƀĭn ala srăng brei klei blŭ leh anăn ksiêm dlăng, bi mklă lu boh phŭn. Hlăm klei bi kƀĭn Dhar bruă kƀĭn ala brei klei blŭ kơ bruă ksiêm wĭt, ktuê dlăng bruă hlue ngă Hdră mtrŭn 525 mơ̆ng Dhar bruă kƀĭn ala gưl 13 kơ bruă bi tuôm hŏng phung bi ala kơ mnuih ƀuôn snag mơ̆ng phung bi ala Bruă kƀĭn ala.

Năng mđing, hlăm klei bi kƀĭn tal anei, Dhar bruă kƀĭn ala brei klei blŭ kơ hră čih Hdră bhiăn êlan klông leh anăn hră čih Hdră bhăn klei êđăp ênang hlăm êlan klông; ksiêm wĭt klei bi kƀĭn tal 5 leh anăn brei klei blŭ mguôp tal êlâo kơ bruă mprăp kơ klei bi kƀĭn tal 6 mơ̆ng bruă kƀĭn ala gưl 15. Êngao anăn, Dhar bruă kƀĭn ala ksiêm dlăng, bi mklă hră čih Hdră mtrŭn kơ bruă dăp dŭm anôk bruă ngă mơar gưl kdriêk, gưl să wưng 2023-2030. Djŏ tuôm kơ bruă ksiêm dlăng, hlăm klei bi kƀĭn anei, Dhar bruă kƀĭn ala hmư̆ klei hưn mdah kơ klei tŭ ksiêm dlăng tal êlâo kơ akŏ ktuê dlăng mơ̆ng Dhar bruă kƀĭn ala kơ klei mlih mrâo hdră, hdruôm hră mtô  hđeh sang hră gưl 3”.