Khua Anôk bruă kƀĭn ala Trần Thanh Mẫn blŭ hrăm mphŭn pŏk lehanăn mbĭt hŏng Kơiăng khua Anôk bruă kƀĭn ala bi mlih leh tuôr gĭt gai Klei bi kƀĭn. Ti knăm anei, Dhar bruă gĭt gai Anôk bruă kƀĭn ala srăng ksiêm dlăng, brei klei blŭ kơ lu mta bruă yuôm bhăn ba mdah kơ Anôk bruă kƀĭn ala ti Klei bi kƀĭn tal 7. Kơ hdră čih mkra klei bhiăn, ti anôk bi kƀĭn tal anei, Dhar bruă gĭt gai Anôk bruă kƀĭn ala lui leh lu mmông brei klei blŭ kơ bruă mblang, tŭ mă, mkra klei čih mkra Hdră bhiăn êđăp ênang êlan klông, brei klei blŭ kơ bruă bruă mblang, tŭ mă, mkra klei čih mkra Hdră bhiăn êlan klông, brei klei blŭ kơ bruă mblang, tŭ mă, mkra klei čih mkra Hdră bhiăn ƀuôn prŏng phŭn (mkra mlih)…

Kơ dŭm klei bi mklă yuôm bhăn, Dhar bruă gĭt gai Anôk bruă kƀĭn ala srăng brei klei blŭ kơ Hdră čuăl mkă ƀuôn prŏng Hà Nội 2021 - 2030, hnơ̆ng trah dlăng truh kơ thŭn 2050 lehanăn mkra mlih Hdră čuăl mkă kluôm ƀuôn prŏng phŭn Hà Nội truh kơ thŭn 2045, hnơ̆ng trah dlăng truh kơ thŭn 2065; Ksiêm dlăng, bi mklă kơ hdră ba yua prăk kăk, hrui – bi liê, mkiêt mkriêm mơ̆ng knơ̆ng prăk gưl dlông thŭn 2023 lehanăn lu mta bruă yuôm bhăn mkăn./.