Knăm anei mkŏ mjing hlăm 2 hruê 24 – 25/05 mâo Sang mđung asăp blŭ Việt Nam lehanăn Sang mđung asăp – mđung rup Tuyên Quang bi hgŭm mkŏ mjing. Klei bi lông thŭn anei mâo 81 Anôk bruă mđung asăp mơ̆ng Sang mđung asăp – mđung rup dŭm čar, ƀuôn prŏng lehanăn dŭm anôk bruă mơ̆ng Sang mđung asăp blŭ Việt Nam lehanăn dŭm anôk bruă hlăm Phŭn bruă kahan ksiêm, Phŭn bruă lĭng kahan nao hgŭm hŏng giăm 380 mta klei bi lông hlăm 10 hdră mdê mdê. Boh nik, hdră mđung asăp ti mmông anăn mtam đĭ lu hŏng 37 êpul nao hgŭm.

Ti knăm anei, Êpul brei puăng srăng duah hdră êdah kdlưn hĭn mŭt hlăm tuôr bi lông knhal tuič mơ̆ng Klei bi lông mđung asăp kluôm ala tal 16, tĭng mkŏ mjing ti Thanh Hóa mơ̆ng hruê 9-14/07 kơ anăp./.