VOV4.Êđê- Aguah 29/8, ti ƀuôn prŏng Đồng Hới, čar Quảng Bình, Dhar bruă hâo hưn mtô mblang gưl dlông mphŭn pŏk Klei bi lông phung mtô hlak mblang kđi čar mbruă krĭng II (Kwar Krah- Lăn Dap Kngư) thŭn 2022. Mkŏ mjing mơ̆ng hruê 29 truh hruê 31/8, Klei bi lông thŭn anei mâo 35 čô bi lông mơ̆ng 18 čar, ƀuôn prŏng.

Hlăm bi lông, phung nai mtô ruah sa klei mtô hlăm dŭm hdră mtô bi hriăm klei kđi čar leh anăn hdră bi hriăn mbŏ kơ Anôk bi hriăm kđi čar gưl kdriêk kyua Dhar bruă mtô mblang gưl dlông mtrŭn.  Phung bi lông găn 3 kdrêč bi lông, mâo: Čih mkra hră mtô bi hriăm, mtô ti mmông anăn mtam, wĭt lač klei êmuh. Phung bi lông srăng mâo klei găl bi êdah klei thâo pô, ăt msĕ mơh bi hriăm hŏng phung mkăn hlăm bruă mtô klei kđi čar leh anăn dŭm bruă mkăn hlăm ala ƀuôn./.

Pô mblang: H’Zawut Ƀuôn Yă