Mơ̆ng klei bi trông, Anôk bruă mkŏ mjing čang hmăng phung thơ̆ng kơ bruă hrăm mbĭt mblang kơ boh klei Êa ksĭ Ngŏ leh anăn krĭng wăl, bi klă klei bhiăn gĭt gai mbĭt, bi klă hdră êlan mđĭ ai đăo knang leh anăn bi hgŭm, bi mngač bruă ngă hmăi amâo jăk kơ klei êđăp ênang mơ̆ng klei bhiăn leh anăn mđĭ klei rŭng răng.

Klei bi trông ăt kƀĭn bi trông kơ hdră čiăng dŭm êpul hlăm êa ksĭ leh anăn klei bhiăn hlăm krĭng wăl dưi đru mguôp mkŏ mjing, mđing kơ hdră kñăm kyua sa Êa ksĭ Ngŏ êđăp ênang hĭn. Klei bi trông lu ala čar kơ Êa ksĭ Ngŏ tal 15 mâo 8 klei bi trông kơ dŭm akŏ, msĕ si: Dŭm ala čar prŏng leh anăn bruă klam prŏng - bi hgŭm leh anăn hrăm mbĭt hdĭp hlăm klei bi mmiă đĭ, hdră ba yua bruă lu tĭng kơ Êa ksĭ Ngŏ; bruă klam mơ̆ng kahan ksiêm hlăm êa ksĭ hlăm klei mđĭ bi hgŭm ti Êa ksĭ Ngŏ…