Klei kƀĭn phung bi ala bruă Đảng Knŭk kna hŏng akŏ “Mkŏ mjing bruă Đảng knk kna kpă mngač, kjăp ktang, hgŭm mguôp, ba akŏ hlăm kdrăp kreh knhâo, mrâo mrang, bi mlih mrâo, bi mlih mrô; mjing boh kdrŭt mđĭ kyar lăn čar pral lehanăn hơĭt kjăp hlăm ênuk gưl kpưn đĭ djuê ana, sah mdrŏng, kreh dhar, đĭ kyar, yâo mơak”. Êlâo anăn, hlăm hruê 12/10, phung bi ala trông čhai, đru mguôp klei blŭ hlăm klei čih mkra hră mơar kơ Klei bi kƀĭn tal XIV mơ̆ng Đảng, bi êdah klei gĭr hlăm bruă kđi čar hluê ngă dŭm mta kñăm mđĭ kyar.

Hưn mdah bruă kđi čar ti Klei bi kƀĭn bi mklă 3 bruă phŭn, bi leh klei bhiăn bruă duh mkra hluê hdră êlan yang ƀuôn ngă phŭn êngiê, mđĭ klei thâo mnuih mă bruă mguôp hŏng hdră kreh knhâo – mrâo mrang, mlih mrô, mđĭ kyar anôk bruă nah gŭ, boh nik bruă êlan klông, pui kmlă, hâo hưn. Klei kƀĭn bi mklă brei mđĭ lar ai tiê đua klam, jhŏng mĭn, jhŏng ngă, tŭ đua klam mơ̆ng phung knuă druh, đảng viên hlăm wưng mrâo./.