Aguah anei 20/10, ti sang Bruă Kbĭn ala, klei kƀĭn tal 10, Bruă Kbĭn ala gưl 15 klă klơ̆ng mphŭn pŏk leh anăm mĭn tĭng bi ruê̆ hruê 11/12/2025. Anei jing klei kƀĭn knhal tuč mơ̆ng Bruă Kbĭn ala gưl 15 hŏng mmông mă bruă hlăm brô 40 hruê, mĭn tĭng ksiêm dlăng, bi klă 49 hdră bhiăn.

Leh klei blŭ pŏk mơ̆ng Khua Bruă Kbĭn ala Trần Thanh Mẫn, Bruă Kbĭn ala hmư̆ Knŭk kna hưn mdah boh tŭ ngă hdră êlan mđĭ kyar bruă duh mkra ala ƀuôn thŭn 2025, 5 thŭn mơ̆ng 2021 - 2025 leh anăn mĭn tĭng kơ hdră êlan thŭn 2026. Dhar bruă gưl dlông mặt trận čar kwar Việt Nam hưn dah klei blŭ mguôp, klei akâo mơ̆ng phung bi ala leh anăn mnuih ƀuôn sang hlăm klei kƀĭn. Klei kƀĭn gưl anei amâo mâo mkŏ mjing klei êmuh klă anăp ti anôk bi kƀĭn, hrô kơnăn phung bi ala mơĭt klei êmuh hŏng hră čiăng kơ dŭm anôk bruă, grăp čô djŏ tuôm wĭt lač. Anei jing klei kƀĭn ksiêm wĭt wưng păn bruă, bi klă kluôm dhuôm boh tŭ klei ngă bruă mơ̆ng Bruă Kbĭn ala gưl 15.