Leh giăm 2 thŭn ngă bruă mjêč, hdră dưi bi leh êlâo 3 mlan mkă hŏng hdră kčah. Êlan dơ̆ng pral anei mơ̆ng êpul grŭp Sơn Hải jing pô duh bi liê, kluôm ênoh prăk duh bi liê êbeh 7.600 êklai prăk, mâo boh taih êbeh 49 km, dôk ti čar Khánh Hoà. Êlan anei mâo 4 grông êlan êdeh, boh prŏng êlan 17m, ba yua hrui wĭt prăk duh bi liê êbeh 16 thŭn.

Truh kơ wưng anei, êlan dơ̆ng anei dưi bi leh. Pô mkra mjing dôk kñăm tiŏ nao êdeh êdâo, kdrăp yua, mnuih mă bruă čiăng bi leh dŭm bruă knhal tuč msĕ si: gŭ drŏng, êa mil mbha grông êlan, mdưm mnư̆ gang, pui mtrang, mdhă ktrâo êlan, hưn brei răng, bi doh êlan. Mĭn tĭng êlan dơ̆ng pral Nha Trang – Cam Lân srăng dưi ba yua ti hruê 19/5 kơ anăp.