Ti knăm anei, phung bi ala mñă leh klei yuôm mơ̆ng bruă mkŏ mjing Klei bi kƀĭn. Anei jing klei bi kƀĭn tal 2 mơ̆ng kluôm ala kơ hdră ksiêm dlăng mơ̆ng Anôk bruă kƀĭn ala lehanăn Dhar bruă gĭt gai Anôk bruă kƀĭn ala dưi mkŏ mjing brei ƀuh klei mprăp djăp ênŭm kơ hdră bruă anei mơ̆ng Anôk bruă kƀĭn ala lehanăn ba wĭt boh tŭ dưn klă sĭt, đru mđĭ hnơ̆ng tŭ jăk hdră ksiêm dlăng.

Blŭ hrăm ti anôk bi kƀĭn, Khua anôk bruă kƀĭn ala Vương Đình Huệ mtă kơ Khua hlăm Anôk bruă kƀĭn ala, Khua adŭ bruă kƀĭn ala lŏ dơ̆ng tŭ mă klei blŭ đru mguôp, mprăp kluôm ênŭm kơ hdră mkŏ mjing knăm anei. Khua bruă kƀĭn ala Vương Đình Huệ mñă, klei bi kƀĭn brei mâo hdră tĭng dlăng boh tŭ dưi mâo hlăm hdră ksiêm dlăng thŭn 2023 mơ̆ng anăn mă klei hriăm kơ thŭn 2024./.