Mprăp klei kƀĭn tal 1 Bruă Kbĭn ala gưl 16: bi kluôm mnuih mă bruă, bi klă lu mta phŭn yuôm bhăn
Thứ sáu, 09:02, 27/03/2026
Pô mblang: Y -Ƀel Êban
Pô mblang: Y -Ƀel Êban
VOV.Êđê - Aguah 26/3, ti sang Bruă Kbĭn ala, Khua Bruă Kbĭn ala Trần Thanh Mẫn gĭt gai klei kƀĭn dhar Bruă Kbĭn ala čiăng mprăp kơ klei kƀĭn tal 1, Bruă Kbĭn ala gưl 16 hŏng ênoh bruă prŏng, mta phŭn yuôm bhăn.
Hluê si hdră kčah, klei kƀĭn srăng ksiêm dlăng, bi klă dŭm boh klei kơ mnuih mă bruă gưl dlông mơ̆ng Knŭk kna, bi klă 9 hdră bhiăn, hdră mtrŭn hdră bhiăn lăn čar, mbĭt anăn bi trông 5 êpul mta phŭn kơ bruă duh mkra - ala ƀuôn, ngăn prăk, ktuê dlăng leh anăn dŭm boh klei yuôm bhăn mkăn.
Năng mđing, Bruă Kbĭn ala srăng ksiêm dlăng bi kluôm bruă păn kmeh gơ̆ng msĕ si Khua lăn čar, Khua Knŭk kna, khua Bruă Kbĭn ala, phung k’iăng khua Bruă Kbĭn ala, k’iăng Khua Knŭk kna, phung khua hlăm Knŭk kna leh anăn dŭm anôk bruă mơ̆ng Bruă Kbĭn ala. Mĭn tĭng klei kƀĭn mkŏ mjing hlăm 11 hruê, mbha jing dua gưl, mphŭn pŏk aguah hruê 6/4/2026 leh anăn bi ruê̆ hlăm hruê 24/4/2026.
Viết bình luận