VOV4.Êđê- Aguah 7/4, čar Quảng  Trị mkŏ mjing knăm myơr brui mngưi bi hdơr 115 thŭn hruê kkiêng Khua gĭt gai Đảng Lê Duẩn (07/4/1907-07/4/2022) leh anăn mkra mđĭ Wăl kriê pioh mnơ̆ng dhơ̆ng Khua gĭt gai bruă Đảng Lê Duẩn. Kñăm mđĭ ênoh yuôm dhar kreh, bruă klam, dŭm klei duh myơr prŏng prĭn mơ̆ng Khua gĭt gai Đảng Lê Duẩn hŏng Đảng leh anăn bruă kơrŭ kdơ̆ng, Knŭk kna, dŭm Phŭn dhar bruă gưl dlông mđing dlăng duh bi liê mkŏ mjing Wăl kriê pioh mdơ̆ng hdơ̆ng Khua gĭt gai Đảng lê Duẩn ti ƀuôn sang ñu ti ƀuôn Hậu Kiên, să Triệu Thành, kdriêk Triệu Phong, čar Quảng Trị.  Tinei jing anôk kriê pioh hƀuê ênuk phung êdah kldưn mơ̆ng čar Quảng Trị, jing anôk yuôm bhăn bi hriăm knhuah gru khăp kơ lăn čar, kơrŭ kdơ̆ng dŭm gưl ênuk leh anăn jing anôk ksiêm hriăm mơ̆ng ƀĭng găp lu ala čar. Čar Quảng Trị bi mklă leh Hdră bruă răng mgang, mkra mđĭ Wăl kriê pioh mnơ̆ng dhơ̆ng Khua gĭt gai Lê Duẩn hŏng ênoh duh bi liê 45 êklai prăk. Hdră bruă bi leh rơ̆ng răng kriê, amâo bi mlih hnơ̆ng prŏng leh anăn ênoh yuôm mâo leh.

Pô mblang: H’Zawut Ƀuôn Yă