VOV4.Êđê- Ƀri wưng anei, Êpul kiă kriê bruă ala čar mtrŭt mjhar klei myơr êrah, hgŭm leh hŏng Êpul hgŭm gru bi kal hrah Việt Nam, knơ̆ng bruă ksiêm hriăm kơ êrah gưl dlông mkŏ mjing leh klei mpŭ mni kơ 100 čô mnuih mâo klei thâo myơr êrah kdlưn hĭn hlăm kluôm ala thŭn 2022, hŏng akŏ “Êklăk kboh, mđrăm mbĭt bi êran, myơr êrah čiăng dŏng mnuih”. Hlăm 100 čô jing phung bi hmô jăk êdi kơ klei myơr êrah mâo tŭ mă klei mpŭ mni gưl anei, mâo lu mnuih đa đa tuôm myơr leh êrah mơ̆ng 60 blư̆ kơ dlông, dŭm gru bi hmô klei myơr nanao êrah, myơr êrah ti mmông čiăng mjêč, lehanăn jih ai tiê mtrŭt mjhar lu mnuih bi nao myơr êrah. Aduôn Bùi Thị Hoà, Khua Êpul hgŭm gru bi kral hrah Việt Nam, Anôk bruă ala čar kiă kriê klei mtrŭt mjhar myơr êrah lač: Jing êpul knơ̆ng, jing knuă druh, ƀĭng hgŭm ba anăp hlăm klei myơr êrah mâo ngă leh hŏng jih ai tiê bi hgŭm hŏng djăp êpul êya bruă hâo hưn, mtrŭt mjhar jih jang mnuih bi nao myơr êrah./.

Pô mblang: Y-Khem Niê