VOV4.Êđê- Aguah mbruê, phŭn bruă lĭng kahan mkŏ mjing leh klei kƀĭn online bi mklin bruă tui ngă hdră mkăp “Mđĭ hĭn bruă mtô mjuăt, hlăk mblang klei bhiăn ala čar kơ knuă druh, mnuih ƀuôn sang krĭng knông lăn, krĭng plao ksĭ thŭn 2017 -2021” mkŏ hŏng 46 anôk bi kƀĭn hŏng êbeh 1.500 phung bi ala nao ti knơ̆ng gĭt gai lĭng kahan knông lăn, kahan êa leh anăn dŭm čar mâo knông lăn. Phung bi ala nao kƀĭn mâo sơăi klei tŭ ư anei jing hdră prŏng, kñăm mđĭ hĭn klei thâo săng, hluê ngă klei bhiăn ala čar mơ̆ng mnuih ƀuôn sang krĭng knông lăn, krĭng plao ksĭ, djŏ si hdră mtrŭn mơ̆ng Đảng leh anăn knŭk kna kơ bruă mkŏ mjing alŭ wăl knông lăn, mkŏ mjing bruă lĭng kahan kluôm ƀuôn sang hŏng klei êđăp ênang kjăp.

Hlăm 2 thŭn êgao, hŏng ai tiê “Bi mdrơ̆ng hŏng klei ruă tưp msĕ hŏng phung roh”, êpul lĭng kahan knông lăn dưi bi leh bruă klam mdua. Răng mgang klei dưi kiă kriê, klei êđăp ênang ala čar leh anăn gang mkhư̆ klei ruă tưp Covid-19 mŭt hlăm êlan knông lăn răng mgang klei suaih pral, klei hdĭp kơ mnuih ƀuôn sang, rơ̆ng klei êđăp ênang kơ ala čar.

Pô mblang: Y-Ƀel Êban