Thŭn 2023, Knơ̆ng bruă Tân cảng Sài Gòn, sa Knơ̆ng bruă hlăm êpul kahan êa hur har bi mguôp hŏng Êpul bruă hâo hưn bruă Đảng čar 3 čar: Kon Tum, Gia Lai leh anăn Dak Nông mtrŭt mđĭ bruă haoa hưn kơ êa ksĭ, plao ksĭ hlăm dŭm gưl mnuih ƀuôn sang. Hlăm mmông hâo hưn mkăp brei kơ êbeh 4.000 čô ênŭm klei hưn kơ boh sĭt êa ksĭ, plao ksĭ. Nao hgŭm hlăm bruă hdơr knga tla ai leh anăn bi hơĭt klei hdĭp yang ƀuôn, anôk bruă rŭ mjing leh 15 boh sang klei khăp, đru rông ba, kriê dlăng 28 čô amĭ Việt Nam jhŏng ktang, phung knŭk kna dlăng ba hŏng ênoh êbeh 2 êklai prăk.

Bi klă hdră bi mguôp thŭn 2024, Knơ̆ng bruă Tân cảng Sài Gòn leh anăn Êpul bruă hâo hưn bruă Đảng čar 3 čar: Kon Tum, Gia Lai leh anăn Dak Nông bi klă lŏ dơ̆ng mđĭ hĭn bruă hâo hưn, mđĭ klei thâo săng mơ̆ng phung knuă druh, đảng viên, phung hđeh sang hră, phung hriăm gưl prŏng leh anăn dŭm gưl mnuih ƀuôn sang kơ hdră êlan, hdră kčah mtrŭn mơ̆ng Đảng, klei bhiăn lăn čar hŏng êa ksĭ, plao ksĭ, bi lu jơr dŭm klei bi hmô hâo hưn, truh kơ mkŏ mjing klei bi lông ksiêm hriăm kơ êa ksĭ, plao ksĭ. Mtrŭt mđĭ bruă čung ba mnuih ƀuôn sang, bi hơĭt klei hdĭp yang ƀuôn ti alŭ wăl dŭm čar.