Mtrŭt mđĭ bruă pla mjing lehanăn mnia mblei tiêu Việt Nam h’ĭt kjăp
Thứ ba, 14:20, 21/11/2023
VOV Tây Nguyên
VOV Tây Nguyên
VOV4.Êđê- Tlam 20-11, Êpul bruă mĭn mrâo hlăm hdră mnia mblei h’ĭt kjăp bi hgŭm hŏng Êpul ngă bruă mơ̆ng Êpul hgŭm Ơrôp ti Việt Nam, Knơ̆ng bruă răng mgang mnơ̆ng pla mjing, Êpul hgŭm tiêu lehanăn ana bi ƀăt ala čar Việt Nam mkŏ mjing hdră ksiêm wĭt bruă “Mtrŭt mđĭ bruă pla mjing lehanăn mnia mblei tiu Việt Nam h’ĭt kjăp”.
Hdră anei dưi hluê ngă wưng thŭn 2021 - 2023 ti 3 čar Dak Lak, Dak Nông lehanăn Gia Lai. Leh 3 thŭn pŏk ngă, hdră anei đru mkra mđĭ klei hdĭp mơ̆ng giăm 8 êbâo gŏ sang pla tiu hlăm ênhă 8.500 ha, đru kơ anôk bruă duh mkra pla, mkra tiu hluê phŭn mkăp mâo h’ĭt kjăp.
Hdră anei mâo klei hgŭm mơ̆ng 12 anôk bruă duh mkra, êpul hgŭm bruă pla mjing lehanăn ba čhĭ tiu mrô sa mơ̆ng Việt Nam; 14 êpul bruă lŏ hma dưi mkŏ mjing kñăm mkăp kơ hdră đru kčĕ lehanăn ksiêm dlăng bruă ba yua êa drao mâo klei đua klam djŏ hnơ̆ng kčah mơ̆ng ƀĭng ngă lŏ hma. Hlăm 3 thŭn, 160 adŭ mjuăt bi hriăm kơ ƀĭng ngă lŏ hma, đru mtô mblang, ktrâo lač bruă ba yua gru hmô ngă bruă lŏ hma jăk./.
Viết bình luận