Truh ară anei 60% ênoh hră m’ar gưl să mơ̆ng čar Kon Tum dưi msir mghaih hluê êlan mạng, dưi mâo mta kñăm kčah mtrŭn truh kơ thŭn 2025. Êngao anăn, êbeh 16.800 ha mnơ̆ng pla, 142 anôk rông mnơ̆ng dưi ba yua kdrăp mrâo lehanăn êbeh 116.600 gŏ êsei ngă bruă lŏ hma bi mnia mblei hlăm wăl anôk blei mnia điện tử.

Truh ară anei, čar Kon Tum mâo leh 48 să djăp hnơ̆ng čuăn krĭng ƀuôn sang mrâo. Mbĭt anăn, čar ăt mâo 21 alĭ djăp hnơ̆ng čuăn krĭng mnuih ƀuôn sang dôk, 65 alŭ, ƀuôn mnuih djuê ƀiă djăp hnơ̆ng čuăn krĭng ƀuôn sang mrâo. Anei jing sa hlăm dŭm tur knơ̆ng yuôm bhăn čiăng kơ čar hluê ngă dŭm hdră msir mrâo lehanăn djŏ guôp kñăm mtrŭt mđĭ hdră mlih mrô hlăm bruă lŏ hma lehanăn krĭng ngă lŏ hma ênuk mrâo./.