Hlăm klei kƀĭn, phung bi ala lač, răng mgang klei êđăp ênang bruă kđi čar, klei êđăp ênang yang ƀuôn jing bruă klam kñăm, ngă nanao mơ̆ng Đảng, jih jang mnuih ƀuôn sang, lĭng kahan, jing bruă mơ̆ng mnuih ƀuôn sang, kơ mnuih ƀuôn sang leh anăn kyua mnuih ƀuôn sang.

Čiăng hluê ngă tŭ dưn bruă klam anei, bruă mkŏ mjing hdră jing jang mnuih ƀuôn sang răng mgang klei êđăp ênang ala čar jing hdră êlan phŭn, yuôm bhăn, čiăng pŏk mlar lu klei bi hmô, gru mngač hlăm hdră jing jang mnuih ƀuôn sang răng mgang klei êđăp ênang ala čar. Mbĭt anăn, mlih mrâo mta phŭn, hdră êlan ngă bruă hâo hưn, đru mđĭ klei thâo săng, klei mĭn bruă klam mơ̆ng phung knuă druh, phung mă bruă knŭk kna, mnuih mă bruă hlăm bruă mkŏ mjing hdră êlan jing jang mnuih ƀuôn sang răng mgang klei êđăp ênang ala čar.