Mơ̆ng thŭn 2018 truh kơ ară anei, čar Dak Lak ba mdah leh lu hră mơar klă klơ̆ng dŭm mta hlăm Hdră đru mphŭn čô̆ kơ bruă mlih mrâo ala čar truh kơ thŭn 2025, mkŏ mkra lehanăn ba yua hlăm Wăl anôk mphŭn čô̆ kơ bruă lehanăn Mbah hâo hưn điên tử mphŭn čô̆ kơ bruă mlih mrâo mơ̆ng čar; mkŏ mjing dŭm hdră “Kphê phung mă bruă duh mkra mnia mblei” čiăng đru kơ êpul êya mphŭn čô̆ kơ bruă. Nao hgŭm ti anôk bi kƀĭn trông, Kơiăng nai prŏng, nai prĭn Lê Đức Niêm, Kơiăng khua Sang hră gưl prŏng Lăn dap kngư brei thâo, wăl anôk mphŭn čô̆ kơ bruă mrâo ti Dak Lak hlăk dôk ti hnơ̆ng 2, jing tur knơ̆ng, ka ngă kjăp.

Kyua anăn, brei bi leh dŭm mta djŏ tuôm kơ prăk duh, hdră mjuăt bi hriăm… Phung bi ala ăt hưn mdah dŭm klei êdu kƀah mơ̆ng wăl anôk mphŭn čô̆ kơ bruă mrâo ti Dak Lak, mơ̆ng anăn ba mdah hdră kñăm lŏ mđĭ kyar wăl anôk anei djŏ hdră kčah mtrŭn./.