K’iăng khua kiă kriê Sang mđung asăp blŭ Việt Nam Ngô Minh Hiển gĭt gai mmông tŭ drông. Dua tĭng hrăm mbĭt bi trông kơ boh tŭ klei bi mguôp hlăm dŭm thŭn êlâo leh anăn hdră êlan bi mguôp hlăm thŭn 2024. Hlăm mmông mă bruă, K’iăng khua kiă kriê Sang mđung asăp blŭ Việt Nam Ngô Minh Hiển mñă klă, Sang mđung asăp blŭ Việt Nam dlăng yuôm bhăn dŭm hdră êlan bi mguôp hŏng Êpul bi ala Wallonie-Bruxelles mơ̆ng lu thŭn êgao ba wĭt boh tŭ dưn klă klơ̆ng mđĭ ai dưi thơ̆ng kơ bruă leh anăn dŭm klei thâo čih klei mrâo kơ lu phung čih klei mrâo Sang mđung asăp blŭ Việt Nam leh anăn bruă klei mrâo Việt Nam.

Bi kơ kdrêč pô, Khua êpul bi ala Wallonie-Bruxelles- Pierre Du Ville yap yuôm bhăn klei bi mguôp hŏng Sang mđung asăp blŭ Việt Nam leh anăn hmăng hmưi klei mlih mrâo hdră đru mtô bi hriăm hlăm bruă klei mrâo bruă klă klơ̆ng leh anăn tŭ dưn hĭn.