VOV4.Êđê- Hlăm klei hriê čuă klă klơ̆ng ala čar Việt Nam mơ̆ng Khua knŭk kna Malaysia mbĭt hŏng êpul bi ala gưl dlông Malaysia, tlam mbruê, Khua knŭk kna Malaysia mbĭt hŏng êpul bi ala gưl dlông mâo leh klei bi tuôm hŏng 3 knơ̆ng bruă Việt Nam jing dŭm êpul grŭp, Sovico, êpul grŭp Hòa Bình leh anăn êpul grŭp Gami. Hlăm klei bi tuôm, Khua knŭk kna Malaysia hmăng hmưi knơ̆ng bruă 2 ala čar srăng lŏ bi mguôp hĭn hlăm lu mta bruă msĕ si: êlan klông, dŭ mdiăng, hiu čhưn ênguê, mă bruă knuă… Anei jing dŭm mta bruă mâo klei kpăk kyua hmăi mơ̆ng klei ruă tưp Covid-19 leh anăn mĭn tĭng srăng lŏ krŭ wĭt ktang hlăm hruê mmông kơ anăp. Phŭn bruă mnia mblei leh anăn tuh tia Malaysia mñă klă Việt Nam leh anăn Malaysia klă klơ̆ng mâo lu klei găl mtrŭt mđĭ klei bi mguôp bruă duh mkra 2 nah hlăm wưng leh jih klei ruă tưp Covid-19, boh nik hlăm bruă mnia mblei leh anăn duh bi liê.

Pô mblang: Y-Ƀel Êban