Hluê si Êpul hgŭm gru bi kal hrah Việt Nam, mâo hlăm brô 4 êklăk čô hđeh kƀah klei đru ƀiă êdi 2 hdră yang ƀuôn, êbeh 160.400 čô hđeh êwiên êwu ti gŭ 17 thŭn čiăng mâo klei đru mơ̆ng yang ƀuon, êbeh mkrah wah phung hđeh mnuih djuê ƀiă ti Việt Nam jing phung hđeh ƀun ƀin lu mta.

Kyuanăn, hdă bruă anei knă mtrŭt mjhar mnuih ƀuôn sang hlăm kluôm lăn čar hrăm mbĭt bi mkrum mguôp ai dưi čiăng đru kơ mnơ̆ng ƀơ̆ng huă, êdeh đĭ, sang huă ƀơ̆ng, êa yua doh kơ phung hđeh ƀun ƀin, êrĭt amĭ ama, êwiên êwu, hmăi kyua klei ruă tưp Covid-19, hđeh krĭng dleh dlan, čiăng đru bi mbŏ mta jăk kơ asei mlei, bi hơĭt klei hdĭp kơ digơ̆. Wưng hluê ngă hdră anei mơ̆ng hruê 12/5 – 10/7/2023 hŏng 2 hdră jing: Bi mguôp hŏng klei čih hlăm đĭng blŭ TE mơĭt kơ 1406, 20 êbâo prăk hlăm sa klei čih) amâodah bi mguôp hlăm mrô knơ̆ng prăk bruă jăk thŭn 2022.